يــا بــنــات الـمـمـلــكــه ...!!

[حصة]

الاهداء :

لبنات بلدي الشامخات



يــا بـنـات الــمـمــلــكـــه ..
يا الحباري .. والعذاري ..
اقبلوا مني اعتذاري ..
يا العيون الـمــُـهلـكـه ..

يــا بـنـات الــمـمــلــكـــه ..
يا جواهر .. يا لآلي ..
نوّرت درب الليالي ..
يا درر في البحر ساطع ..
صار منه البحر حالي ..
يا ذهب اصلي وغالي ..
صار منه الكون لامع ..
يا صديقات المعالي ..
يا نوايف في الاعالي ..
كل عالي تـدركــه ..
يــا بـنـات الــمـمــلــكـــه ..

يــا بـنـات الــمـمــلــكـــه ..
لو ابنشد عن بنات ..
مثلكم ما قد لقيت ..
في البيوت ارباب بيت ..
في المدارس .. طالبات ..
في الجوامع .. ساجدات ..
في الشوارع .. شامخات ..
وبالعبايا .. محصنات ..
آآآه يا ذيك العبايه ..
لفــّـت اجسام الطواهر ..
غطت اجساد الجواهر ..
في الدول .. كل الدول ..
نسئل الله الهدايه ..
كل شيء في البنت ظاهر ..!!
وفي بلادي ..
كل شيء في البنت طاهر ..
كل شي في البنت مخفي ..
والله لفته منها تكفي .. لو تـنادي ..
كل شيء في البنت باهر ..
رمشها وعيونها ..
وشموخها يوم تقفي ..
ونقشة الحنا على ذيك الايادي ..
وان حكت مرة وقالت ..
كل عاقل تربكه ..!!
يــا بــنــات الـمـمـلــكــه ..

يــا بــنــات الـمـمـلــكــه ..
ما تكفيــّـكم قوافي ..
لو أبجمع من عيون الشعر احلام القصـيد ..
ما هو كافي .. ما هو كافي ..
في بــنــات الـمـمـلــكــه ..

لو أبـنـثر كل كلمة من عبارات النشيد ..
ما هو كافي .. ما هو كافي ..
في بــنــات الـمـمـلــكــه ..

لو أبكتب من على سطح القمر ..
او على متن الجليد ..
ما هو كافي .. ما هو كافي ..
في بــنــات الـمـمـلــكــه ..

ولو اردد كل ابيات الاغاني .. واستـزيد ..
ما هو كافي .. ما هو كافي ..
في بــنــات الـمـمـلــكــه ..

ولو أببدا من جديد ..
أو أكرر .. أو أعيد ..
ما هو كافي .. ما هو كافي ..
في بــنــات الـمـمـلــكــه ..
كل شيء فيها فريد ..
كل حـُـسنٍ تحبكه ..

عقلها .. يسوى بلد ..
صوتها .. مثل الشهد ..
حسنها .. ما هو فـ ( أحد ) ..
وافيه .. طول العهد ..
هذي هي بنت البلد ..

والجروح المنهكه ..
ما لها الا الجـلد ..
أو بــنــات الـمـمـلــكــه ..!!

القائل غير معروف

[ابوهلا]

شكراُ لك على هذا المقال والله يستاهلن من ذي اوصافهن يالله من فضلك

[محمد الرويلي]

الخطا ماهوب عندي شي عادي ** كل عاقل له حدود ومقدريه

وانت عمري والغلا بالقلب زادي ** بس انا طالبك لاتقسي عليه

مادريت اني بعدكم في جهادي ** بين هم وغم وظروفن قويه

أه ليت الحظ يمشي في مرادي ** واهتنيبك واعتبر نفسي غنيه

من غلاك امسيت مكتوف الايادي ** امتلكني غصب واصبحت الضحيه

ايه احبك والقمر مقفي وبادي ** ايه احبك من هناك ومن هنيه

ايه احبك وانت عنبر وانت كادي ** ايه احبك وانت قصه واقعيه

ايه احبك ايه احبك ياودادي ** ايه احبك لو تزيد الجرح كيه

[حصة]

أبو هلا مشكور على مرورك الكريم الله يعطيك العافية

محمد الرويلي صح لسانك قصيدة بقمة الروعه الله يعطيك العافية ننتظر منك المزيد

[محمد الرويلي]

صـــــــــــح بــــــــــدنـــــــك

[( النايف )]

الله يحفظهم من كل شر

[شموخ]

صح لسانك ...