المساعد الشخصي الرقمي

مشاهدة النسخة كاملة : رجعت لدروبى وعودت زعلان...مدام فى قلبك غلا غيرى إنسان

~¤§شموخ الذكريات§¤~
12-07-2006, 05:49 PM
رجعت لدروبى وعودت زعلان
تركتك لحالك ورديت بابى

مدام فى قلبك غلا غيرى إنسان
الليله افرح فى سوالف غيابى

ابى ابتعد والله حبيبى على شان
مايجرحك صوت الغضب فى عتابى
~¤§شموخ الذكريات§¤~
12-07-2006, 05:57 PM
والله ما انسى صاحبي ما نسيني
لو طالت الغيبه وضاعت نواحيه

يبقى معي مــا بيـن قلبي وعيني
والنفس من بد المخاليق تغليه

وانشد عن أحواله بعاصف سنيني
وارتاح لا زانت وطابت لياليه
~¤§شموخ الذكريات§¤~
12-07-2006, 06:01 PM
حنا نجازى فاعل الطيب بطيب
وهذا هدف قلبي ووهذا اختيارهـ

ياعزوتى اذا عـوى الذيــب للذيـــب
نخوه مثل شرواك تجارهـ

من يعرفك سماك راعي المواجيب
ومن يجهلك راحت حياته خسارهـ
~¤§شموخ الذكريات§¤~
12-07-2006, 06:06 PM
أن غبت عنكم يرجع العقل بأفكـــــار
فكري وحالي ماذكر انه نســــاكـــم

حتى بديت اشك بالنفس واغــــــــار
وارجع على نفسي واخاطب رضاكم

هذا غــلاكم مــابقى عنــدي اســرار
ولافــيه من اغليــه يشــبه غلاكـــم
~¤§شموخ الذكريات§¤~
12-07-2006, 06:24 PM
مـــرت بي الذكرى وانا خاطري شــين
ذكــرى زمان فات عنا و ولى

هلــت على خدي دموع من العــــــين
كنــي غريب عن دياره تحلى

ناديــت باعلى الصوت وين المحبيــــن
اللــي بعشرتهم قلبي تسلى

واخص نـأس على القلب غاليـــــــــن
قلبي لشوفهتم رحب ووهلى
~¤§شموخ الذكريات§¤~
12-07-2006, 06:32 PM
فوق الجروح اللي بقلبي من سنين
يكفي دخيل الله لا تجروحني

مادامكم مانتم لجرحي مداوين
انسو وجودي بينكم واتروكني

وش من عذابي والعنا مشتفيدين
وش مصلحتكم يوم تبكي عيوني
صدقه
13-07-2006, 03:15 AM
الشعررر حنين .............. ومعاني عظيمه ...
~¤§شموخ الذكريات§¤~
13-07-2006, 06:18 AM
يحميك ربي من متاهات الاقدار,،
يامعدن العفه ووضوح الانوار,,
شموخ
14-07-2006, 02:01 PM
ماشاء الله ....تعابير رائعه ......

وفقكم الله
العميد
14-07-2006, 06:10 PM
باقات رائعه جداا..
من يعرفك سماك راعي المواجيب
ومن يجهلك راحت حياته خسارهـ
العميد
14-07-2006, 06:18 PM
أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره
~¤§شموخ الذكريات§¤~
15-07-2006, 12:33 AM
في وقتنا اشياء صارت غريبه ** ماهي لبعض الناس عاده وتقليد
ليه القريب اليوم يترك قريبه ** ومن اول كان اللقى عندهم عيد
وليه الحبيب اليوم خان بحبيبه** عقب المحبه ضاعت احلى مواعيد
وليه الصديق اليوم يحتاج غيبه**على صديق العمر مادامه بعيد
اشياء كثيره حيل ما ينحكي به ** شي قديم وشي في وقتنا جديد
~¤§شموخ الذكريات§¤~
15-07-2006, 12:40 AM
الدنيا ياصاحبي "مدرسة"

وسنين عمرنا "حصص"

الالم منهج "ندرسه"

والفرح فيها "فرص"
أبو منال
16-07-2006, 12:54 AM
مشكوره اخت شموخ الذكريات على القصايد الجميله والرااااااائعه
abdalla
19-07-2006, 12:46 AM
السلام عليكم ورحمة الله وبركاته

نشكرك أخي.........