المساعد الشخصي الرقمي

مشاهدة النسخة كاملة : يا ذيب انا بوصيك لا تاكل الذيب %% ......................%%

(البدر)
31-05-2006, 03:27 AM
يا ربعنا يااللي على الفطر الشيب ××× عز الله انه ضاع منكم وداعه


رحتوا على الطوعات مثل العياسيب ××× جيتوا وخليتوا لقلبي بضاعه


خليتوا النادر بدار الاجانيب ××× وضاقت بي الافاق عقب اتساعه


تكدرن لي صافيات المشاريب ××× وبالعون شفت الذل عقب الشجاعه


يا ذيب انا بوصيك لا تاكل الذيب ××× كم ليلة ٍ عشاك عقب المجاعه


كم ليلةٍ عشَّاك حرش العراقيب ××× وكم شيخ قوم ٍ كزته لك ذراعه


كفه بعدوانه شنيع المضاريب ××× ويسقي عدوُّه بالوغى سم ساعه


ويضحك ليا صكت عليه المغاليب ××× ويلكد على جمع العدو باندفاعه


وبيته لجيرانه يشيد على الطيب ××× وللضيف يبني في طويل الرفاعه


جرحي عطيب ولا بقى لي مقاضيب ××× وافخت حبل الوصل عقب انقطاعه


كني بعد فقده بحامي اللواهيب ××× وكني غريب الدار مالي جماعه


من عقب ذيب الخيل عرج مهاليب ××× ياهل الرمك ما عاد فيهن طماعه


قالوا : تطيب وقلت : اشلون ابا طيب ××× وطلبت من عند الكريم الشفاعه


الأمير الفارس : شالح بن هدلان يرحمه الله
صدقه
31-05-2006, 04:38 AM
خليتوا النادر بدار الاجانيب ××× وضاقت بي الافاق عقب اتساعه
العرجان
31-05-2006, 10:53 AM
بارك الله فيك اخي جوليان
واختيار موفق من القصائد المميزة للفارس شالح بن هدلان
ابو عبد الملك
31-05-2006, 11:45 PM
يا ذيب انا بوصيك لا تاكل الذيب ××× كم ليلة ٍ عشاك عقب المجاعه

من يومين عالق هالبيت على لساني والحمد لله لقيت القصيده كاملة
شكرا على الاختيار الموفق
الجار 7
24-06-2007, 03:45 AM
يا ذيب انا بوصيك لا تاكل الذيب ××× كم ليلة ٍ عشاك عقب المجاعه
دحام2006
26-08-2007, 01:54 AM
ياليت لو احد يعرف القصه يذكرها لنا